晚安。
話說人係通過錯誤成長的。
今晚洗衫。
點知我唔記得檢查衣服既口袋，結果所有衫充滿紙巾碎
一開始我仲以為有件衫甩線頭甩到咁。
我以後洗衫都會打醒十二分精神。


繼續追星系列。
講真，我都無諗過可以寫咁耐。
而且寫左咁耐仍然繼續寫無斷尾。
如果係以前既我，我估個故事已經斷左，唔會寫落去。
又或者，最後馬虎了事。
我又長大左喇。（會唔會係咁


都係個句，唔想睇既話Ctrl+F4幫到你。
（留學既生活點滴在我心中（喂）


我開始照住票上所寫的位置進發。
走到那一列時，
啊啊啊！！！！！！！
雖然不是對正台但不是側過側田！！！！
而且，只係偏離舞台正面少少。
運氣太好了吧
我要斬雞還神

然後我不停向前找位置。
左顧右盼，我看到那個空了的位置。
是這個了！！！！！
是通道旁的位置。
我往上望

我的位置剛剛沒被二階擋住啊！！！！！！
即是說他們要是有熱氣球升空什麼的我也會看得清清楚楚！！！！！！
只要我往後兩排左右，上方的視野就會被整整擋住了！！！！！！
我要燒乳豬

然後我再看一下前面。
是花道！！！！！！
我離花道的距離，大約是運動場中上游位置與跑道的距離。
當時未開場，我不知道到底感覺是什麼樣。
但演唱會時他們走在花道時
我看到的他們，
是運動場中上游位置看著跑道上主持開幕儀式的校長的大小。
太近了！！！！
有八百度近視的我也看得清清楚楚（喂喂喂
雖然當日戴了CON視野有點模糊
但與他們對望也看得清清楚楚（哭哭哭
我…我想大家在香港送上了很多祝福給我（淚

可能大家會覺得，其實都唔係咁近。
的確，其實真係唔近。
但係，我已經好心足
應該係，已經超越左心足既距離。


講番開場
我坐左係個位，開始拿應援扇準備
因為我很遲才入場，旁邊都已經坐滿了人
我身邊的是一位婦人。
看到她的應援扇知道，她是藤ヶ谷的飯。
她看到我的扇，然後開始向我搭話。

婦人「你是玉ちゃん的飯？」
我「嗯嗯」
婦人「我朋友也是啊！」
然後婦人介紹了她旁邊的兒子和再離一個位的友人給我認識。
婦人的友人也是玉森飯。
婦人友人「我沒弄應援扇，你要連我的份大力一點揮應援扇」
我「嗯！我會的！」
婦人「為什麼喜歡玉森？」
我「我是看了美男ですね喜歡他的。」
婦人「覺得他很帥？」
我「我喜歡他My pace的部分」
婦人「哈哈哈哈」
……
……
……
我們大概聊了幾分鐘。

最後婦人細細聲問我。
「実は…どちら様ですか？」
（其實…你是哪裡人？）

又比你發現左添。
（天音：日文爛成咁唔係覺得自己唔會比人發現呀嘛）
可能婦人覺得十分奇怪，點解呢個人日文爛成咁都可以若無其事咁同佢傾計。

我「其實…我是從香港來的」
我展示了應援扇寫有「香港」二字的另一面。
婦人「啊啊啊！！！！！」
然後她立刻把這件事說給身邊的兒子和友人。
兒子和友人「啊啊啊！！！！」

他們三人的反應真是很有趣。
「太厲害了！這實在太厲害了吧？啊啊啊！！！！」
他們「啊啊啊」的也「啊」了差不多一分鐘。
其實，他們的反應會否太大
婦人「你要加油啊！」
我「嗯！」
雖然那一刻我不知道要加油什麼。

不過，後來我明白了。
婦人真的很好。
每當玉森走到這邊，她都會提醒我「玉森來了！」
在一次玉森站在我們這邊的花道時
婦人「我們一起叫玉森的名字好不好？」
「嗯！」

那一次，是我第一次這麼大聲叫一個男人的名字
仲大聲過上次步行傑尼斯叫つよし。
可能有兩個人一齊，可以不顧一切盡情叫。
雖然玉森個死仔好似聽唔到。
但可以係佢面前（中間隔左幾百個人）咁叫佢個名。
我已經覺得好開心好開心。
好毒呀我
感謝婦人願意和我一起叫
是婦人教曉我演唱會的真正樂趣。


親腳演唱會真的很好看。
這次演唱會背後的故事我也覺得很難忘。
我與很多人有一面之緣，
我和不少人交流過。
原來去看演唱會除左睇明星咁簡單之外，
仲可以令我寫左幾篇日記去紀念佢。
我開始明白自己點解會追星。
而且，我唔會再介意比人知道我追星。
亦都唔介意比人話係鍾意靚仔無咩內涵既無知少女<-老老實實我真係咁比人話過
可能有人會話
「其實你咪又係追星，可唔可以唔好寫到件事咁有意義咁？」
但如果唔係有追星，
唔係因為追星黎左日本，
我而家可能仲係渾渾噩噩咁等畢業，
渾渾噩噩唔知搵咩工，
渾渾噩噩唔知自己係個點既人。

但講到尾追星真係好開心

追星日記會有Part 7。
將會是最後一章。
敬請期待。（我希望係打中野之前寫到）

大家好。
如果你同日本人講，話香港只有一個水族館
而且仲係主題樂園入面
佢地可能會比個驚訝既表情你。

因為係日本，水族館真係幾多。

日本人：「咁如果想睇海洋生物咁可以點呀？」
我：「咁咪去金魚街囉」　
我：「咁就只可以去主題樂園喇。」
日本人：「え～～～～～」

雖然我後來先發現，正常既香港人係唔會突然特登想去睇海洋生物。
你去海馬公園都唔係為左個水族館喇係咪先？

星期日去左八景島Sea Paradise
真係天堂。
島上有三個水族館，同一些機動遊戲
雖然有些機動遊戲都幾有荔園個種八十年代既感覺
而且仲有好多人唔知點解係度跳夏威夷舞。
不過個日去左「野豬大作戰」既拍攝場地。
見到傳說中白色既唔知係海豚定鯨魚<-睇完都唔知係咩
摸過海豚海獅海星海蔘同小鯊魚
坐過山車既時候仲比我坐到櫻井翔坐過既位
仲有得睇住夕陽玩過山車大叫GGGG XDDD

原來海豚既皮好似橡膠咁
原來小鯊魚表面好粗糙
原來櫻井翔玩過山車真係好比戲
原來個日我玩左一次跳樓機兩次海盜船三次過山車。



GGGGGG! <- 意味不明XDDDD

今日係5月8日
剛剛係親腳演唱會後既一個月
可以既話，我想係呢個咁有紀念性既日子寫完個故事。


如果寫得完既話。


再一次重申，我日文真係好差。
雖然黎左日本係好左少少，但唔代表好。
我不能操流利日語。
母親大人問，點解你去左一年日文都可以咁差？
「因為我係香港人囉。」
又唔見你問點解我廣東話可以咁好。

其實日文差都係因為我唔多溫書。
都係個句，我黎日本既目標係感受文化（即係玩），
日文呢家野隨遇而安吧（煙


好。
繼續一個日文差既女仔係日本追星既故事。

交收張票個一刻，我問少女
「我是坐在你旁邊嗎？」
少女：「對不起不是啊…朋友抽到更好的位置所以我和朋友坐…你要自己一個人了。」
雖然少女顯得十分不好意思，
但我聽到不是鄰座後有絲許高興wwwww

於是，我心裡面諗，張票既位置一定唔多好。
不過講真個一刻要我坐山頂都無所謂，入到去就得。
點知我收到張票個一刻見到。

２１GATE


我成個呆左。


２１GATE。


以之前「步行傑尼斯」既經驗，
２１GATE係一階座席既入口。

一階。

一階。

我成世人無諗過去東蛋睇演唱會可以坐到一階既位！（淚目）
之前看KinKi也是二階的！！！（淚目
係一階！！！
一階！！！
一階！！！！

雖然佢個位可能側過側田，
雖然佢個位可能後到視野會比二階遮住左，
但佢的確係一階。

一階。

一階。

少女：「你的是21GATE，我要去25GATE，所以不同路了。你知道２１GATE在哪嗎？」
我：「我想很容易找到的。」

於是，我拎住左張票，
係諗都無諗過係２１GATE入左東蛋。

好似發夢咁。
入東蛋旋轉門個一刻，
好想打電話比呀媽，同佢講你生左我出黎真係多謝你
我覺得這個世界很美好。（喂


天！
我真係寫唔哂呀！！！！！！
我要做功課！！！（突然好學生


唯有Part 6再見。（到底可以寫幾耐

因為種種原因在寫日記的期間突然什麼也沒有了。
為了安全計日記會再細分做多個部分有機會密集式出現。
大家記得跟住時間順序去睇番之前既部分。

いよいよ去到Part 4，
再一次重申，
好孩子睇左Part 3先好來看Part 4。


二十分鐘之後，
突然有個年紀與我相若的女孩子走到我身邊
佢語帶害羞同害怕細細聲係我旁邊講：
「一枚だけですけど、大丈夫ですか？」（只有一張票，沒問題嗎？）


！！！！！！！！！！！！！！！！！！！！！！！


「私一枚があって、大丈夫ですか？」（我有一張票…沒問題嗎？）


簡直係驚天地泣鬼神。


以我既爛日文程度去理解，
這位妙齡少女係傳說中可以讓票給我的救世主。

但係認定佢係救世主之前，
先要確認自己係咪撞聾又或者係日文聽解又差左。

＊注意：以下內容為了方便理解（同方便我寫），已事先進行翻譯處理。

我：「我只有一個人，一張票絕對沒問題！」
少女：「那我有一張票空出來…那…在這裡不太好，去附近的商場再談可以嗎？」
我：「可以可以！」

我和少女開始步向商場。
那一刻，我腦子一片空白。

其實由始至終，我無諗過真係會成功求到票。
橋上有好多人，我無諗過自己可以被選中咁好彩。
真係好好彩。
我真係好好彩。

定過神來後，少女再問：
「如果我收原價的話，有沒有問題？」
我：「沒問題。」（速答）


少女你不是救世主，你是神！！！！！！！！！！！！！！！！（天音：救世主同神有咩分別？）
其實我個一刻以為，少女會提高價錢，收我整整一張諭吉（10000YEN）
但係，但係…
少女是好人！少女是救世主！少女是神！！！！
原價！！！！即使坐山頂都無憾了！！！！
母親大人不用擔心我！！！！
我在日本都遇到好人了！！！！TAT
真係感動到好想攬住個女仔。
我好努力抑壓住自己既感情。

然後，少女很怕被人發現她轉賣演唱會的票。
（在日本，轉賣演唱會的票是一種違法行為<-事務所官方所指。）
加上我們二人都很想去洗手間，
於是少女提議在洗手間交收。

可惜找了很多洗手間，都發現大排長龍。
但東蛋外的洗手間一定更多人，
我和少女只好排隊。

但排隊之前，
有一樣野我覺得自己必須要澄清。
因為我知道，其實有些日本人是介意的。

「其實…我是從香港來的…讓票給我也沒問題嗎？」
因為我知道，其實有些（應該是少數的）日本人不希望讓票給外國人。
這是從留言板求票時的經驗。
如果佢因為我係外國人而唔讓票給我，
我也沒辦法，但我不會怨念自己為什麼是香港人。
我喜歡日本的偶像，但我是香港人，我也喜歡香港。

結果少女問：
「香港？中國的？」
我：「嗯，中國南部的香港…沒問題嗎？」
少女：「很厲害！！！！！」

很厲害？！

少女：「聽你的日文就在想你可能不是東京的人…有想過你是不是外國人，沒想到真的是！」

以上句子既重點係：
1. 可能不是東京的人
2. 是不是外國人

好，總括來說就是我日文差。
我不否認。=]
但…「可能不是東京的人」是什麼意思？
我的日文難道有日本方言既味道？

點都好，少女好像不介意。
然後我們開始排洗手間，
因為無聊得很，我開始向少女搭話。
原來少女是大學生，學過中國語，懂得用中文說自己的名字。
然後少女問了我年齡，
她發現我比她年紀大時，她非常不好意思地為她對我沒用敬語而道歉。
我跟她說了很多次不要緊，外國人不會介意敬語什麼的。
其實道歉的應該是我，要你聽一個日文差既人講日文。

然後，我們聊到一個很重點的話題。

我：「那個…Kis-my裡面最喜歡誰？」
我問得十分開門見山。
少女：「啊啊，我喜歡玉醬（玉森）啊」
我：「我也是！！！！」
少女；「我知道啊，就是看到你拿著玉森的扇子，知道你是玉森擔，
所以想讓票給一個和自己喜好一樣的。」

！！！！！！！！！！！！！！！！！！！！！！！！！

玉森裕太喜歡上你真是太好了！！！！！！（喂
你的飯都是好人！你要愛惜你的飯！！！！！！
母親大人我選對男人了！！！請為我歡呼！（喂喂喂

最後我們在洗手間外的一個小巷交收了。
然後我和少女在洗手間話別。

五點四十分，我終於入到了東蛋會場。
我看到他們了。
真的感動得難以形容。


之但係，入到東蛋又有好奇妙既事情發生。
所以個故事仲未完得。


請繼續期待Part 5。

大家好。
本來打算溫韓文。
但係當打開本教科書準備練習發音既時候，
我發覺我完全發唔到應該係發既聲。

아 야 어 여 오 요 …

我完全發唔到。
喉嚨情況好似嚴重左。

可能我前幾日食左雪糕。

病左仲食雪糕，
真係要趁青春燃燒一下自己生命。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

大家可能會問。
Part 2都未有點解會有Part 3。
唔使覺得奇怪，Part 2在早前寫了。
未看的先去看Part 2。
又或者大家可能會講
「我忍夠你追星喇，唔該比日本留學生活既點滴我。」
但對唔住，呢度係我主場（？），大家無權話事。
請原諒我有A little bit of 刁蠻（你夠

為左確定大家有睇到Part 2，
以下係問題時間。

請問求票的時候我手上拿左什麼？



答：求票告示紙和玉森慶援扇


如果大家肯定自己知道以上兩樣東西是什麼的話，
請繼續看以下故事。




我估我呢一刻做緊既
係２２年來做過最尷尬既事。
我一手拎住玉森把扇，
一手拎住張告示紙。
問題非在於求票一事
而是我手上把扇。

天橋上求票的人很多。
大家手上都會拿著形形式式的告示紙。

但係無人會拎住把應援扇。

每一個經過既人都會望住我把扇。
每個人既反應都好唔同。
あの髪型！
玉ちゃん！
最記得係有個細路小正太指住把扇話：
「玉森かっこいい！」
小孩你識貨，長大後請加入傑尼斯。
你可能比玉森更帥氣（喂

我估呢一刻都係２２年來，
我比咁多人望住既一次。
小學個時有參加過朗誦比賽，
中學個時有做過週會司儀。
當時台下都有好多人望住。
但係今次個種感覺好唔同
雖然真係好尷尬，但我無諗過走。
以前是為了一個比賽，為了一份責任，
但今次，
我係為左自己想做既事而企係大家面前。
朗誦司儀的時候，不會直視台下的人，很想快點下台
但今次，我勇敢地望住所有望我把扇既人。
佢地來看演唱會的高興，期待同興奮都寫在臉上
我相信我去看演唱會時都會係咁既樣。
有時候我會同佢地對望左，
佢地都會對我呢個三唔識七既人笑一笑。
雖然佢地好多都笑得好尷尬，
但我都會有少少感動。

雖然個一刻我孤單一個人，
一個比賣家放飛機可能睇唔到親腳既倒霉留學生。
但個一刻，
我奇怪地有種幸福既感覺。
我可以拎住玉森既應援扇，
企左係東蛋外既天橋上面，
同人講我好鐘意玉森裕太。
而其它人見到你喜歡玉森裕太，
佢地會同你笑一笑。
呢個世界真係好神奇。
又或者咁講，
我可以將件事理解成咁樣都好神奇。


就係咁，我以呢個姿態，
維持左大概二十分鐘。